Inuit pingasut siullermik qaartoortoqarmat aqqunartiterput, tamatumali kingorna suli sakkortunerusumik qaartoortoqartarpoq - ikuallannerlu qatserisartut qamisarniarsaraat.Assi: Erwin Seba/Reuters/Ritzau Scanpix

USA-mi akoorutissaleriffimmi qaartoortoqarmat inuit 60.000-it qimagussorneqartut

Texasip ilaani illoqarfimmi innuttaasut amerikamiut nalliuttorsiutigisartagaannut Thanksgivingeqarnissaanut ulloq ataaseq sioqqullugu qimagussorneqarput.

USA-mi akoorutissaleriffimmi ippassaq qaartoortoqarneratigut ikuallarujussuartoqqalerpoq. Tamatuma malitsigisaanik Texasimi illoqarfimmi innuttaasut 60.000-it tamakkerlugit qimagussorneqarput.

Texasip kangiatungaani illoqarfimmi Port Nechesimi akunnerit aqqaneq marluk qaartoortoqareersorlu pisortat aalajangerpaat innuttaasut qaartoorfiusumit 6 kilomiiteritut ungasitsigisumiittut tamakkerlugit qimagussorneqassasut.

Akoorutissaleriffimmi uulia akuiagaanngitsoq suliarineqarnerani qaartoortoqarpoq suli ikuallattuarsinnarluni.

Amerikamiut nalliuttorsiutigisartagaannut Thanksgivingeqarnissaanut ulloq ataaseq sioqqullugu qimagussuisoqarpoq.

Inuit pingasut siullermik qaartoortoqarmat aqqunartiterput, tamatumali kingorna suli sakkortunerusumik qaartoortoqartarpoq - ikuallannerlu qatserisartut qamisarniarsaraat.

/ritzau/Reuters

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat