USA-mi aallaasersortoqarnerani 13-it toqutaasut
Aallaasersorneq imerniartarfimmi grillbari neriniartafiutigisumi Borderline Bar & Grillimi sisamanngornerup unnuaani pivoq.
Taassuma nittartagaa naapertorlugu inuusuttunut ilinniartunut aaqqissuussisoqarnerata nalaani pivoq.
Maanna sumiiffimmi politiit uppernarsarpaat aallaasersortoqarnerani inuit aqqaneq-marluk toqutaasut.
Pinerluttuliorsimasorineqartup kinaassusaa, susoqarsimaneralu suli saqqummiunneqanngilaq.
Takunnissimasulli aallaavigalugit, aallaasersortoq, qernertunik atikkersorsimasoq matulerisoq aallaariarlugu, sulisorlu alla iseriartorsorineqartoq aamma aallaasimavaa.
Taamaalioreeramilu aallaasersortup igeriuttagaq pujuliortartoq igippaa, sumut tamaanngalu eqqalerluni.
Takunnissimasut arlaqartut oqaluttuarnerat naapertorlugu, aallaasersortoq sulloqqortuumik aallaaseqarsimavoq.