USA-mi aallaasersortoqarmat aqqaneq-marluk toqutaapput

USA-mi naalagaaffimmi Texasimi sakkutooqarfimmi sakkutuut sungiusarneranni allaasersortoqarmat inuit aqqaneq-marluk toqutaapput 31-illu ikiligaallutik.
Allattoq Jaaku Lyberth
novembarip 06-at 2009 07:07

Sakkutuut allaasersorfigineqartumi sungiusartarput, Irakimut Afghanistanimulluunniit sakkutuunngoriartornissartik sioqqullugu sungiusartarlutik. Allaasersorfigineqartut sakkutuujunersut sakkutuujunnginnersulluunniit qulakkeerlugu paasineqanngilaq. Aallaasersortoq annappoq, taannalu maannakkut napparsimavimmi uninngavoq politiillu allaasersornerisa kingorna.

Allaasersortoq Nidal Malik Hasanimik ateqarpoq, 39-inik ukioqarluni, tarnit nakorsaattut sakkutooqarfimmi suliaqartuulluni.

Nidal Malik Hasan sakkutooqatiminut allaasersulernera sunik patsiseqarnersoq ilisimaneqanngilaq.

Aallaasersortup Nidal Malik Hasanip Irakimut aallarnissaa sioqqullugu allaasersorneq pivoq, sorsuffimminniissanilu annilaangagisimagaa, ilaqutaasa ikinngutaasalu amerikami tusagassiorfinnut oqaluttuaraat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq