USA-mi 2012-imi præsidentissarsiornissaq sioqqullugu qinerseqattaalerput

USA-mi nalinginnaasumik qinersinerit akornanni qinersineq aallartereerpoq.
novembarip 02-at 2010 08:14

USA-p kangisissuani naalagaaffinni naalagaaffeqatigiinni ilaasuni qinersiviit ammareerput, USA-mi innuttaasut sinnerlugit sinniisoqarfimmi inissat 435-t tamarmik qinerneqassapput. Senatimi 37-t aamma taama.

Qinersiviit siulliit uagut nalunaaqutarput malillugu unnugu arfineq-pingasut missaanni matuneqassapput, naalagaaffinnili Alaskami Hawaiimilu ineeqqat taasiffiusut kingulliullutik unnuaru marlut missaanni aatsaat matuneqassallutik.

Naalagaaffinni guvernørinngorniuffiusuni kina guvernørinngussanersoq ulluni arlalinni nassaariniarneqassaaq.

Qinersinermik paasisimasarluartut siulittuutigaat, qinersinermi ajugaasut ajorsartullu aqagu ullaakkut tusarliunneqarsinnaassasut.

Inuit isumaannik paasiniaanerit eqquutissappata, præsident Barack Obamap partiiatalu, Demokratiske Partip, USA-mi innuttaasut sinnerlugit sinniisoqarfimmi amerlanerussuteqarnertik annaassavaat.