USA Kinalu ataatsimeeqatigiimmata suli neriunartoqarpoq
Silap pissusaa pillugu ataatsimeersuarnermi nutaarsiassat kingulliit naapertorlugit USA-p præsidentia, Barack Obama aamma Kinap premierministeria, Wen Jiabao silap pissusaa pillugu akunnerup missaanik ataatsimeeqatigiissimapput.
Allattoq Bikki P. Kleist
Amerikamiut atorfillit oqarput, ataatsimiittoqareersorlu alloriartoqaqqissimasoq.
Nunat taakku marluk CO2-mik mingutsitsineq pillugu annikillisaanissamut uppernarsaasiinissaat nunallu ineriartortut silap pissusaata allanngoriartornera ilutigalugu CO2-mik annikillisaanissamut atatillugu aningaasaliisoqarnissaa siunnerfigineqartoq, Ritzau allappoq.
USA Kinalu ataatsimeersuarnermi qitiulluinnarput, taakkumi nunat marluk CO2-mik mingutsitsinerpaajupput.