USA kaattunut ikiuinialerpoq

USA-p præsidentiata, George Buship USA-mi inatsisartut 4 milliardi koruuninik ippassaq qinnuigai.
maajip 02-at 2008 12:19

Silarsuarmi nerisassat akitsoriartuinnartillugit maannakkorpiaq kaattorpassuarnut ikiuiniutissatut aningaasat atornissaat siunniunneqarpoq.

Dansk Røde Korsimi pisortap, Anders Ladekarlip tamanna illorraap tungaanut aallariarnertut oqaatigaa.

Tamat inuussutissaqarnissaannik Naalagaaffiit Peqatigiiffiata pilersaarusiortuisa maannakkorpiaq atorfissaqartitaat tunniunneqalersaarput, taakkuali inuussutissat amigaatigineqartut ilaannamininngui pilersaarusiaminnut ilannguttarpaat, pingaartumik maanna nerisassat akitsoriartupallanneranni inuppassuit naammattumik ullormut nerisassaqanngillat. 4 milliardi koruunit atorlugit inuussutissanik tunioraagaluaraanniluunniit, piffissaq ungasinnerusoq eqqarsaatigalugu ullumikkut inuussutissaaleqisut namminneq inuussutissarsiornerusinnaanerat ikorfarsortariaqarpoq, soorlu naatitsisinnaasut naatsiiassanik atortussaannillu tuniorarlugit, imminnut napatissinnaalernissaat anguniarlugu. Ilimagineqarsinnaagaluarpoq nerisassat akitsoriartormata naasorissaasut inerititamik tuniniarneranni aningaasarsilluarnerusinnaassasut, naatitalli pisiniarfinni pisiassanngortinnagit akunniliullutik niuertut iluanaarniapiluttut tassa akitsorterinerpaat.

Maannakkorpiaq kaattut ikiorniartariaqarpavut nerisassanullu akitsuutit naasorissaasunut allanullu nerisassanik pilersuisunut tutsinneqartalernissaat aqqutissiuuttariaqarlutigu, annertunerusumik pilersuilerusulernissaat anguniarlugu, nunarsuatsinnilu ataatsimut isigalugu inuussutissarsiornerup ataqatigiissagaanerusumik annertusarnissaa taamaalilluta anguniarlutigu, Dansk Røde Korsimi pisortaq, Anders Ladekarl oqarpoq.