Assi: Ritzau / Scanpix

USA Iranimut kinguneqartitsiniartoq nunallu allat sioorasaarlugit

Iranimut kinguneqartitsisoqanngippat USA nunanut FN-imut ilaasortaatitalinnut niueqateqarnini unitsissallugu sioorasaarutigaa

USA-p Iranimut immikkut sukannersumillu kinguneqartitsinissani atuutilerseqqinniarlugit aalajangerpoq. FN-ip atomi pillugu Iranimut isumaqatigiissusioreeraluartoq.

USA-p nunanut allanut ministeria Mike Pompeo tusagassiuutinut arfininngornermi nalunaaruteqarpoq.

Nunat tamalaat FN-imut ilaasortat isumaqatigiissut unioqqutissappassuk USA-p pilluarniarlugit aamma sioorasaarpai.

- USA-p Iranimut immikkut sukannersumillu iliuusissat sakkortuut atuutilerseqqissallugit ullumi aalajangerpoq, Pompeo nalunaarummi taama allappoq.

Iranimut iliuusissat Danskit nalunaaqutaat naapertorlugu unnuaqeqqanut atuutilersinneqassapput.

Iranip atomi pillugu isumaqatigiissut unioqqutippassuk, nunat isumaqatigiissusioqataasut namminneq Iranimut kinguneqartitsissanerlutik aalajangersinnaavaat.

USA-li nammineerluni kinguneqartitsisinnaanngitsoq Nunat Naalagaaffiit Peqatigiit isumannaallisaaniaqatigiivini ilaasortat isumaqarput. USA-mi atomi pillugu isumaqatigiissummit 2018-imi tunuarnikuuvoq.

Taamaakkaluartoq USA-p tamanna namminersuutigaa.

Nunat Iranimut kinguneqartitseqataanianngitsut amerikap aquttuisa malitseqartinniarlugit arfininngornermi neriorsorpai. Nunat USA-mi aningaasarsiortut nunamut iseqqusaajunnaartinneqarsinnaanerinik ilaatigut malitseqassalluni.

- Kinguneqartitsinissamut isumaqatigiissut piviusunngortinneqanngippat nunat FN-imi ilaasortat

USA-p oqartussaanini atorlugu malitseqartitsiumaarpoq, Mike Pompeo oqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat