USA Iran-imut qanillattorpoq

Obamap Iran-imi aqutsisunut oqalugiaatini video-mut immiuppaa nunallu taakkua akornanni pissutsit nutaat aallartinnissaat neqeroorutigalugu.

USAp Iran-illu akornanni ukiuni arlalinni akeqqersimaarnerup imminnullu pasilleqattaartarnerup unitsinneqarnissaa Obamap kissaatigigaa maluginiarneqarpoq. USA-p Iran-illu akornanni aallartitaqarnikkut attaveqalernissamut Obama ammaavoq, aammalu aaqqissuussamik ammasumillu suleqatigiinnissaq kissaatigalugu oqaatigalugu.

USA-p Iran-imik attaveqalerniarnera USA-p Iran-imut politikkerisimasaanut allannguinerivoq. Præsidentiusimasup George Bush-ip Iran nunat inupiluuserniartartut ilaattut naatsorsuutigalugu taanikuuaa nunarsuarmilu avatangiisinut imminut mattuniartutut naatsorsuullugu.

Obamap Iran pillugu oqalugiaataa pingaaruteqartutut isigineqarmat oqalugiaat Iran-imiusuumut nutserneqarpoq.