USA Irakilu atsioqatigiipput

USA-p sakkutuujutini Irakip illoqarfiinit aappaagu juunip ingerlanerani angerlartissagai isumaqatigiissutigineqarpoq, amerikallu sakkutuujutini 2011-mi angerlartissimassagai aamma isumaqatigiissutigineqarluni. Aviisi The New York Times nittartakamini taama allaaserinnippoq.

Isumaqatigiinniutissatut toqqammavissat Irakip naalakkersuisuinit suli akuerineqanngillat. Tamanna pissutigalugu Irakimi inatsisartunut suli aamma saqqummiunneqarani.

Isumaqatigiinniutisatulli toqqammavissat USA-p naalakkersuisuinit akuerineqareerput.

Isumaqatigiinniutissatulli toqqammavissat pilersaarutaannaagallarput, pisariaqassappat allanngortinneqarsinnaallutik.

USA-p nunallu allat Irakimi sakkutuuliisinnaanissaannut Naalagaaffiit Peqatigiit piginnaatitsinerat 2008-p naappat atorunnaartussaavoq.