USA eqqartuussivilersuunniarpaa
Alaskap avannarpasissuani imartani, USA-p nanoqarfiutituaani, uuliamik naturgassimillu qalluinerup maangaannartinneqarnissaa guvernørip, Sarah Palin-ip, ernummatigaa.
Nannut silap pissusaata allanngoriartorneranit navianartorsiorput. Nannut Issittumi piniarniartarfii annikilliartortut, uumasorsiuut oqarput.
Guvernør Palinilli tamanna qularaa, tamatumunnga atatillugu ilisimatuussutsikkut uppernarsaatit ikippallaarnerat pissutigalugu.
Alaskami eqqissisimatitani uuliamik qalluisoqalernissaanut ammaassisoqarnissaa USA-mi massakkut oqallisaasorujussuuvoq. Nannut piujuaannarnissaat pillugu apeqqut eqqissisimatinneqarnissaannik tunngaveqassappat qillerilernissaq Alaskami oqartussaasunut uuliasioqatigiiffinnullu ajornartorsiutaanerulissaaq.
USA-mi naalakkersuisunik Alaskap eqqartuussivilersuussiniarnera uumasunik illersuiniaqatigiiffinnit ”piffissaajaataannartut” taagorneqarpoq.