USA Ecuadorimit anisitaavoq
Tamanna tallimanngormat pivoq, tassa Ecuadorimi naalakkersuisut USA-mik suleqateqarnertik unitsinniarlugu aalajangermata.
Allattoq Elisa Isaksen
Amerikamiut Ecuadorip sineriaani ikiaroornartumut akiuiniarnerminnut atatillugu sakkutooqarfeqarnissaminnut akuerisaagaluarput. Taamatut suleqatigiinneq kingusinnerpaamik 2009-mi atorunnaarsinneqassaaq.
Taamaalilluni Ecuador nunanut Amerikami Qiterlermiittunut Amerikamiut siuttuinik suleqateqarunnaartunut ilannguppoq. Siornatigummi Cuba, Venezuela aamma Bolivia taamaaliortareerput.
Ecuadorip aamma Verdensbankimut akiligassani akilersimavai aamma bankip aallartitaa nunaminniittoq anisissimavaat, taamaalillutik nunanit avataaneersunit sunnerneqarnertik killilersimaarniassagamikku.