Assammik arsarluni nunarsuarmi pissartanngorniunissat, Egyptenimi ukioq manna pisussat, ullumi ingasunngornermi aallartissapput, USA-lu Tjekkialu peqataasussaagaluarlutik tunuarlutik.Assi: RitzauScanpix

USA assammik arsarluni VM-imi peqataanissamit tunuartoq

USA-p assammik arsarluni nunanut allanut unammisartuini amerlasuut coronavirusimik tunillatsissimasut paasineqarpoq USA-lu VM-imut peqataanissamit tunuarluni. USA-p peqataasussaanera pissutigalugu Kalaallit Nunaat peqtaasinnaajunnaarpoq.

Assammik arsartartuutigineqartut affaat napparsimappata unammiuaarnissamut peqataanissaq ajornakusoorsinnaavoq.

USA-p tamanna ippassaq marlunngornermi nassuerutigisariaqarpaa. Arsartartummi katillugit 18-it sungiusaasorlu coronavirusimik tunillatsissimasut ippassaq paasineqarpoq.

AAMMA ATUARUK USA-mit assammik arsartartut nunarsuarmi pissartanngorniuuttoqannginnerani coronamik tunillatsittut

USA-p tamanna pillugu assammik arsarluni nunarsuarmi pissartanngorniunnernit, ukioq manna Egyptenimit aaqqissuunneqartunit, ullumilu pingasunngornermi aallartittusanit, tamanna pillugu tunuarpoq.

Kalaallit Nunaata ukioq manna VM-ertoqarnissaanut peqataasinnaanissaa, Timersoqatigiit Assammik Arsartartut Kattuffiata, TAAK-p, siorna ukiakkut neriuutigigaluarpaa.
Amerikalli nunavittaanit ataatsimik taamaallaat peqataasoqarsinnaavoq, USA-llu peqataanissaa, assammik arsartartut nunani tamalaani kattuffissuata, IHF-ip, aalajangerpaa.

Tjekkia Egyptenimi unammiuaarnernit tunuarnini ippassaq aamma nalunaarutigaa, arsartartummi aqqaneq-marluk coronavirusimik tunillanneqarsimasut paasineqarmat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat