USA apereqqaarani saassussisalissaaq
Saassussineq siulleq ullut arfineq-pingasut matuma siornagut pivoq, tassa Amerikamiut sakkutuui 25-t Pakistanimi oqartussaasunut ilisimatitseqqaaratik Pakistanip killeqarfianut, Afghanistanimut killeqarfiup eqqaaniittumut isaammata, taama pisoqareermat oqartussaasut aatsaat ilisimatinneqarput.
USA-p akuerisinnaanngilaa, Talebanip aamma al-Qaidap Pakistanimi inissisimaffimminniit nunani killermiut sakkutuui saassutariuarmatigik.
Aamma Pakistanimiutkisimiillutik musliminut sakkulersortunut iliuuseqarsinnaanerat Amerikamiut upperiunnaaraluttuinnarpaat.
Al-Qaida aamma Taleban Pakistanip Afghanistanillu killeqarfianni qaqqartuumi issimaffigisaminnit saassusseqattaartuarsinnarput.
Aviisimi New York Timesimi atorfilittat ilaat issuarneqarpoq, pissutsit tamaani “akuersaarneqarsinnaanngitsut”.