USA akuersaarnissaminut piareersimavoq

CO2-mik gassinillu allanik silaannarmik kissakkiartortitsisartunik aniatitsinerup nunat tamat unioqqutinneqartussaanngitsumik neriorsuutaasa akuersaarnissaanut USA piareersimavoq.
februaarip 25-at 2008 16:17

Aningaasanik nunat tamat akornanni aqutsinermut præsident George W. Buship qanimut suleqatigilluinnagaa, Daniel Prize, taama oqarpoq.

Nunarsuarmili silap kiatsikkiartornerata akiorniarneqarnissaa pillugu isumaqatigiissummut atsioqataaniarluni USA aalajangissagaluarpat, nunanut aningaasaatilissuarnut, soorlu Kina-mut Indiamullu, aamma piumasaqaateqartoqartariaqarpoq.

Silap pissusaata allanngoriartorneranut suliniutinut pituttorsimasumik pisussaaffeqarnissani Buship manna tikillugu akueriumasimanngilaa, isumaqarami USA-p aningaasaqarlualeriartorneranut tamanna akorngutaassasoq.

Silap pissusaata allanngoriartornera pillugu Danmarkimi aappaagu 2009-mi decembarimi ataatsimeersuartoqartussaavoq. Nunat tamalaat silaannarmik mingutsitsinnginnissamik Kyotomi isumaqatigiissutip allattaaviisa, 2012-imi atorunnaartussat, taarserneqarsinnaanissaat Danmarkimi naalakkersuisut neriuutigaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq