USA aamma Rusland pitsaanerusumik attavaqaqatigiinniarput

USA-p Ruslandillu attaveqaqatigiinnerat allanngoriartorpoq, qaninneruleriartorsinnaanissaat ilimanarsigaluttuinnarluni. Ruslandip nunanut allanut ministeria Sergej Ivanov aamma USA-p vicepræsidentia Joe Biden Münchenimi ippassaq ataatsimiimmata tamanna erseqqissarneqarpoq.

- USA-p Ruslandillu akornanni attaveqaqatigiinneq ilorraap tungaanut saakkiartorpoq, USA-milu aqutsisut nutaat tamanna erseqqissarpaat, Sergej Ivanov, Joe Bidenimik ataatsimeeqateqareernerup kingorna oqarpoq.

USA-p Ruslandillu attaveqaqatigiinnerat George W. Buship præsidentiugallarnerani pitsaavallaanngilaq maannali allanngulerunarluni:

- Attaveqaqatigiinnerput pitsanngoriartornissaa neriulluarfigaarput, Ivanov oqarpoq.

Isumannaallisaaneq pillugu nunat tamalaat ukiumoortumik ataatsimiinneranni Joe Biden USA sinnerlugu peqataavoq, oqalugiartunullu ilaalluni. Joe Bidenip ilaatigut oqaatigaa nunat taakku marluk akornanni oqaloqatiginnerit ingerlalluartut, nutaamillu iliuuseqalersaartoqartoq.

USA-p qaartartunut ungasissumiit igeriuttakkanut Europap kangisissuani illersuusiaa Ruslandimit iluarineqanngeqisoq peerneqaratarsinnaavoq, Barack Obama ilaatigut taama oqarami.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat