Texasimi arfininngornermi toqutaasut 22-usut amerlanersaat latinamerikamiuusut qulakkeerneqarmat mianersoqqusisoqarpoq.Assi: Scanpix

Uruguayip Venezuelallu USA-mukarniat mianersoqqugai

Præsident Donald Trumpip El Paso Ohiolu ullumi tikeraassavai. Sumiiffiit taakku marluk weekendimi aallaasersorfigineqarput.

Aallaasersortoqarnerani katillugit 31-t toqutaallutik.

Aallaasersornerup kinguneranik Uruguayimi Venezuelamilu innuttaasut oqartussaasunit USA-mukannginnissaannik innersuunneqarput.

Texasimi arfininngornermi toqutaasut 22-usut amerlanersaat latinamerikamiuusut qulakkeerneqarmat mianersoqqusisoqarpoq.

AAMMA ATUARUK Trump El Pasomut tikeraalerpoq

Sussuseqanngitsunik saassussisarnerit, akeqqersimaarluni peqquserluttuliornerit, ammip qalipaataanik assigiinngisitsinerit immikkoortitsinerillu pissutigalugit USA-mi ukiup qaammataani siullerni arfineq marlunni inuit 250-it sinneqartut toqutaasimanerat mianersoqqusinermut tunngavilersuutigineqarput.

Venezuelami nunanut allanut tunngasunut ministereqarfiup nalunaaruteqarnermini

innuttaasut kaammattorpaat USA-mut angalanissat kinguarteqqullugit.

USA-mi isornartorsiuisut oqarput, Donald Trumpip latinamerikamiunut akeqqersimaarneq

annertusarsimagaa, latinamerikamiut USA-mut nunasisut pinerluttuunerarlugit pinngitsaalillutillu kinguaassiuutitigut pinerluttuliortartuunerarlugit oqaluttuaannarmat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat