Uribe Colombiami qinigaaqqissagunavippoq
Colombia nunatut peqquserluffissuartut ilisimaneqartoq ullumi qinersiviuvoq.
Præsidentissarsiortoqarpoq, naatsorsuutigineqalereerporlu konservativiusoq Alvaro Uribe ukiuni sisamani tulliuttuni præsidentitut ingerlaqqiinnassasoq.
Colombia amerikap nunataani nunat qiterlerniittut ilaat Uribe-p præsidentitut atuuffiani siuariarsimanngikkaluarpoq, nunamili isumannaallisaaneq ima pitsaatigilersimavoq, allaat sakkuaannerit takussaavallaarunnaarsimallutik. Tamannalu pillugu Uribe innuttaasunit tapersersorneqartoq, Ritzau allappoq.
Ullumi qinersinermi eqqissiviilliortoqanngilaq, sakkutuut, illoqarfiit pingaarnersaanni Bogotami nakkutilliimmata.
Colombia 41 millioninik inoqartoq ukiuni 40-ni eqqissiviilliorfiusimavoq.
Uribe inatsisinik ilinniarsimasoq 53-inik ukioqartoq amerikamiunit aningaasatigut tapersersorneqartuuvoq.
