Damien Krebs, GME-mi saffiugassanik immikkut ilisimasalik.Assi: KNR

URANI Uranisiorsinnaaneq pillugu nalilersuinerit ukioru piariissangatippaat

Kuannersuarni aatsitassarsiornissaq pillugu avatangiisit qanoq sunnerneqarnissaannik inuiaqatigiillu qanoq sunnerneqarnissaannik nalilersuinerit ukiup naalernerani piareernissaat Greenland Minerals and Energyp, GME-p, naatsorsuutigaa.

Uranimik Nunatsinniit avammut tuniniaasinnaanermut inatsisit nutaat Folketingimit sapaatip akunnera kingulleq akuerineqarput.

Aamma atuaruk Urani pillugu siunnersuutiip aappaa akuerineqarpoq

Aatsitassanilli ulorianartuni qinngornilinnik piiaanissaq suli qanillinngitsoq, misissuinissamut akuersissuteqartumi GME-meersoq oqaluttuarpoq.  

 - Nalunaarusiaq pisortanut siorna decembarimi tunniunneqarpoq, taavalu misissorsimalereerpaat nalilersorlugulu. Naqqiutit siunnersuutillu nalunaarusiamut ilanngullugit maanna suliaraagut, GME-mi saffiugassanik immikkut ilisimasalik Damien Krebs oqarpoq.

Aamma atuaruk Uranimik avammut nioqquteqarnissaq akuersissutigineqartoq

Avatangiisit qanoq sunnerneqarnissaannik inuiaqatigiillu qanoq sunnerneqarnissaannik nalilersuinerit, naalisarlugit VVM aamma VSB, aatsitassarsiortitseqatigiiffimmit Naalakkersuisunut tunniuteriarpatigit, piumasarisat naammassineqarsimappata inuaqatigiinnut tusarniaaneq aallartissaaq.

- Nalilersuinerup ukiup naalernerani naammassinissaa naatsorsuutigaarput, taassumalu kingorna nalunaarusiat taakkua avatangiisinut inuiaqatigiinnullu tunngasut tusarniaassutigineqartussanngussapput, Damien Krebs oqarpoq.

Aamma atuaruk Tunisisarnissamut siunnersuut danskit amerlanerussuteqarfigaat

Nalunaarusiat akuerineqareerpata aatsitassarsiulernissaminut qinnuteqaat aatsaat nassiunneqarsinnaanngussaaq. Pilersaarusiarli allanngoqattaaqqaarsinnaavoq.

- Inuiaqatigiit ilanngukkumasaat suliamut aamma ilanngussorneqarsinnaassapput.

Nalunaarusiat danskit siunnersorteqarfiannit namminersortumit Orbiconimit suliarineqarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat