Iranimiut uranip nukissiuutitut suliarineqartarnera eqqartueqatigiissutigissallugu manna piareerput. Uranip atominngorlugu qaartartuliarineqarnissaralua eqqartuinermi aamma isumaqatigiinniutigineqarsinnaavoq, Iranimi nunanut allanut ministeri Mottaki ullumi tusagassiortunik katersortitsinermini taama oqarpoq.
Iranimiut aggustip 22-at nallertinnagu akissuteqarnissaat Naalagaaffiit Peqatigiit isumannaallisaaniaqatigiivinit ilaasortanit tallimaasunit tyskinillu piumasarineqarpoq.
Iranimiut pisortatigoortumik siullerpaamik nassuerput isumaqatiginninniarusullutillu. Nunat arfinillit siunnersuutaannik iranimiut taamaalillutik eqqartueqatigineqarsinnaalerunarput.