Uranimut akerliusut kommunip illuutaani ataatsimiissinnaapput
Uranimik Narsami piaasoqarnissaanut akerliusut kommunip illuutaani A21-mi ataatsimiissinnaatitaanerat ikaarsaarnermut ataatsimiititaliamit tapersersorneqartoq, borgmester Simon Simonsen erseqqissaavoq.
Allattoq Louise M. Kleemann
Siorna ukioq naalluinnartoq Narsami kultureqarnermi immikkoortup pisortaata Suka Frederiksenip Narsami kulturikkut illup A21 –p uranimik Narsami piaasoqarnissaanut akerliusunut Earth Charterimut ataatsimiiffigeqqunagu aaliangerpaa, tunngavilersuutigalugu kommunip illuutaa politikkikkut suliniutinut atussanngitsoq.
Apeqqut ikaarsaariarnermut ataatsimiititaliami sammineqareerpoq, aalajangerneqarporlu killiligaanani oqaaseqarsinnaaneq tapersersorlugu uranimut akerliusut kommunip illuutaani ataatsimiinnissamik periarfissaat killilersorneqassanngitsoq.