Uranimik piiaavissaq pillugu nalunaarusiaq akuersissutigineqanngitsoq

Kuannersuarni qalluisinnaanermut qinnuteqaatimut atatillugu nalunaarusiat tusarniaassutigineqartussat pingasut akornanni siulleq Imarsiornermik Aqutsisoqarfiup akuersissutigisimagaa, KNR-imi siusinnerusukkut oqaluttuaraarput.

Nalunaarusiarli, NIS-imik aamma taaguuteqartoq, suli akuersissutigineqavissimanngitsoq, Aatsitassanut Ikummatissanullu Naalakkersuisoqarfiup maanna nalunaarutigaa.

Eqqortoq tassaavoq GME-p imaani isumannaallisaaneq pillugu nalunaarusiaa tusarniaassutigineqarsinnaanngortoq. Nalunaarusiammi tamanut tusarniaassutigineqarsinnaasutut pitsaassuseqalernera Imarsiornermik Aqutsisoqarfiup nalileraa Namminersorlutik Oqartussanut tamanna nalunaarutigineqarpoq.

AAMMA ATUARUK Akuerisassanit siulleq inissittoq

Kuannersuarni qalluisinnaanissaq pillugu imaani isumannaallisaaneq pillugu nalunaarusiaq, Kuannersuarnit isumannaatsumik, avatangiisinillu mianerinnilluni assartuinermut tunngassuteqarpoq.

Nalunaarusiat marluk allat tassaapput VVM-imik VSB-millu taaneqartartut, tassa qalluinerup avatangiisinut sunniutissai, innuttaasunullu sunniutissai pillugit nalunaarusiat.

Nalunaarusiat pingasut taakku ataatsimut tamanut tusarniaassutigineqartussaapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat