Uranimik piiaaneq NATO-p susassarilersinnaavaa
- Assersuutigalugu Iranimut atomimut atortussianik pilersuilissagaluarutta tamanna isumassarsialatsialaanngilaq. Nuna Nunat Killiit Illersoqatigiiffiannut atasoq atomip nulinga atorlugu qartartuliornissamut ikiuutaasinnaanngilaq, taamaammat Nunat Killiit Illersoqatigiiffiat akisussaasuusariaqassaaq, Konservativit Kalaallit Nunaannut tunngassutilinnut oqaaseqartartuat, Per Stig Møller, Berlingske Tidendemut oqarpoq.
Greenland Minerals and Energy, aatsitassarsioqatigiiffiit Kalaallit Nunaanni pisuussutinik qaqutigoortunik piiaarusuttut ilaat, Kuannersuarni aatsitassarsiornissaminut atatillugu peqqinnissaq- avatangiisillu pillugit akuersissummik perusulluni Aatsitassanut Ikummatissanullu Pisortaqarfimmut qinnuteqaqqammerpoq.
Piiaanissamut qinnuteqaatip ukiut nikinnerata missaani nassiunneqarnissaa ilimagineqarpoq.
Berlingske Tidendemi aviisiliortut Kalaallit Nunatsinnut angalareerput, Issittumilu pisunik assigiinngitsunik ulluni makkunani allaaserisaqaleruttorput.