Uranimik Nunatsiavumi piiaasarneq inerteqqutaalersinniarpaat

Nunatsiavumi piffinni assigiinngitsuni uranimik piiaasarneq Canadami Labradorimi Nunatsiavumi Inuit naalakkersuisuisuisa inerteqqutaalersinniarlugu inatsisiliortitsinissartik eqqarsaatigaat.

Uranisiorfissuup Aurora Energy-p Labradorip sineriaani nunaqarfiup Postville-p qanittuani uranisiorfimmik piffissami qaninnerpaami pilersitsinissani neriuutigaa.

Pilersaarutip taassuma Postville-mi innuttaasut marlunnullusooq avippai:

Ilaasa uranisiorfeqalerpat akilerluakkamik suliffeqalersinnaanissartik qilanaaraat, allalli tamaani uranisiortoqalissagaluarpat avatangiisinik mingutsitsinissaq ernummatigalugu.

Nunatsiavumi ilaatigut isumalluutinut ministerip, William Barbourip, uranimik piiaanissap iluaqutissartaanik ajoqutissartaanillu takunnissinnaasunik sukkanerpaamik ataatsimiititaliortoqarnissaa kissaatigaa. Uranisiorfissuup Aurora Energy-p pilersaarutai William Barbourip ernumanartoqartippai:

-Avatangiisit eqqarsaatigalugit uranimik piiaanissami immaqa innarlitsaaliuinissamut periaasissaqaraluarpoq, taamaattoqarpalli uranisiorfissuaq ilumut taamaattoqarneranik uppernarsaasariaqarpoq, William Barbour nutaarsiassaqartitsivimmut CBC Newsimut oqarpoq.

Misissuisitsisoqarnissaa ataatsimiititaliamillu pilersitsisoqarniarnera Aurora Energy-p nuannaarutigaa, naak Nunatsiavumi naalakkersuisut inerteqquteqarnissaanik pilersaaruteqaraluartut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat