Urani pillugu innuttaasunik ataatsimiisitsilersut

Uranimut akuersaanngilluinnarnissamik isummiussaqarsimanerup atorunnaarsinniarneqarnera innuttaasut Inatsisartunullu ilaasortat akornanni oqallisaasupilussuuvoq. Atorunnaarsinneqarnissaanut amerlanerussuteqartoqarpasippoq, IA-lli, atorunnaarsitsinissamut akerliulluinnartup, uranimik piaanissaq akerleralugu sulissuteqartuarsinnarpoq.
oktobarip 03-at 2013 04:44

Inuit Ataqatigiit Narsami, uraminik piiaanissami qitiusussami, sisamanngorpat unnukkut innuttaasunik ataatsimiisitsiniarpoq. Sammineqartussaq soorunami tassaavoq urani, partiillu Narsarmiut oqalliseqatiginissaannut Inatsisartunut ilaasortat pingasut aallartissimavai.

-Isumaqarpugut, uranisiornissamik uranimillu annissuinissamik kis-saateqarneq pilersaaruteqarnerlu eqqarsaatigilluagaanngitsut. Kialluunnit ilisimanngilai, uranisiornerup aningaasaqarnitsinnut, allaffissornermut, peqqissutsimut, sillimaniarner-mut, avatangiisinut kiisalu nunanut allanut attaveqarnitsinnut kingunissai. Tamakkulu ilaatigut Narsami innuttaaqatigut peqatigalugit oqaloqatigiissutigisariaqarpagut, Aqqaluaq B. Egede taama nassuiaavoq. Taanna Sara Olsvig Kalistat Lundilu innuttaasunik ataatsimiisitsinermi peqataassapput.