Assi: KNR

Urani Naamik sumiiffinni arlalinni akerliussutsimik takutitsiniartoq

Suliniaqatigiiffik Urani Naamik Nunatsinni Danmarkimilu akerliussutsimik takutitsinissamut sisamanngorpat pilersaaruteqarpoq.

Akerliussutsimik takutitsinermi suliniaqatigiiffiup Nunatsinni aatsitassanik piiaasoqarnissaa unitsikkusuppaa.

Aatsitassanik uranitalinnik qinngualanitalinnillu Kuannersuarni GME-p suliniutaani Killavaallu Alannguani Tanbreezip suliniutaani piiaasoqarnissaa pingaartumik akerlerineqarpoq.

AAMMA ATUARUK Narsami innuttaasunut ataatsimiisitsinermi uran eqqartorneqarpoq

- Uranilu sumi tamani aqqusaakkamini mingutitsiuartussaavoq Kalaallit Nunaat nunarsuarmioqatitsinnut mingummik salinneqarsinnaanngitsumik tunioraasariaqanngilaq, Urani Naamik allappoq.

Suliniutit akuerineqarnissaat suliniaqatigiinnit ernumassutigineqarpoq, taamaammat akerliussutsimik takutitsinissartik siunniussimavaat.

AAMMA ATUARUK Ajornartorsiutaasut VVM-imi qarsupinneqarput

- Kingusinaannginnitsinnimik taavarput isumaqaratta naalakkersuisutta taakkulu tapersersortaasa ullumikkumut assut sukkasuumik aatsitassarsiorniat sullimmatigit, uagullu innuttaasut qarsutiinnarluta isummavut annerusumik tusaajumanagit. Ingerlatsineq akueriinnarsinnaajunnaarparput, taakku allapput.

Narsaq, Qaqortoq, Nuuk, Qasigiannguit, Qassiarsuk, Narsarsuaq, København, Aarhus aamma Hundested apriilip 25-ani nalunaaqutaq 16:15-imit akerliussutsimik takutitsiviujumaarput.

AAMMA ATUARUK Aatsitassanut Naalakkersuisoq nutaaq neriorsuisinnaanngilaq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat