Uppinnik uumasuuteqarneq nuannarineqaraluttuinnarpoq
Tuluit Nunaanni uppiit uumasuutigineqartut 30.000-it missaanniinnissaat ilimagineqarpoq, aammattaaq Qallunaat Nunaanni uppiit nuannarineqaraluttuinnarput.
Danmarkimi timmissanik soqutigisallit peqatigiiffiat naapertorlugu uppinnik uumasuutillit ukiut kingulliit ingerlanerini amerleriapiloorsimapput.
- Danmarkimi pinngortitamut aqutsisoqarfik uppinnik uumasuuteqalernissamut akuersissutinik tunioraavallaarpoq, tassami timmissat tigutsisillit mattullugit uumasuutigineqartarnerat pissusissamisuunngilaq, siulittaasoq Christian Hjorth oqarpoq.
Danmarkimi timmissat tigutsisillit uumasullu kiisortut uumasuutigineqartarneri inatsisisigut inerteqqutaalissasoq, peqatigiiffimmit kaammattuutigineqarpoq.