Uppik pisassiissutit ikilinerannut tapersiivoq
Nunatta tikaagulliusaartassani ukiumut 19-iusaraluartut aappaagumut aappaaguagumullu tunngatillugu qulinut ippassaq appartippai.
Nunatta taamaalilluni Arfanniartarneq Pillugu Nunat Tamalaat Kommissioniata IWC-p Koreami Ulsanimi ataatsimeersuarnerani isornartorsiuisut piumasaat naammassivaa.
Nunatsinni avatangiisinik illersuiniaqatigiiffik Uppik tikaagulliusaartassanik ikililerisoqarneranut aamma iluarisimaarinnippoq.
- Nunarput arfanniartartutut nunanit tamalaanit maanna malersorneqaqaaq, taamaattumik ikililerineq pisariaqarlunilu aalajangerneq isumatusaarneruvoq. Uppimmi siulittaasoq Jens Peter Lange oqarpoq.
Jens Peter Lange aamma oqarpoq, tikaagulliusaartassat qulinut amerlassusilerneqarnerat tulluartoq, malinneqarnissaalu naatsorsuutigineqarsinnaasoq.