Uppiit issittormiut kujavartertut

Uppiit issittormiut USA-mi naalagaaffiit kujasinnerusut ilaanni Floridami illoqarfimmut Jacksonvillemut ukiormanna kujavartersimapput, Canadami issittumi najukkaminnit kilometerinik tuusintinik arlalinnik ungasitsigisumit angalasimallutik.

Uppiit issittormiut Amerikap avannaani uppiit anginersaraat, Canadami, Siberiami Alaskamilu uumasuullutik, Floridamullu tikinneq-ajoraluarput.

Uppiit issittormiut nerisassarsiortillutik aatsaat taama ungasitsisumut angalasarpoq, nerisartagaasalu narlumukaat silap pissusiisa allanngoriartornerisa kingunerisaanik kujavartilersimanerat pissutigalugu taama kujasitsigisumut pisimanissaat ilimagineqarpoq.

Floridami alutorsaatigineqaqaat, allaallumi naalagaaffinnit allanit takuniarneqartut aamma oqaatigineqarpoq.