WHO-mi Kinap nappaatip sananeqaataata qanoq issusaannut tuniluuffiusullu pillugit paasissutissanik saqqummiussinnginnera paatsuungassutigineqangaatsiarnera oqaatigineqarpoq.Assi: Gil Cohen-Magen/AFP/Ritzau Scanpix

Uppernarsaatit: Kina virusip sananeqaataanik WHO-mut tunniussinani uninngatitsisimasoq

Naak kinamiut paasissutissanik pingaaruteqartunik saqqummiussinnginnersoq paatsuungassutigineqangaatsiaraluartoq, WHO-p Kina nersualaangaatsiarpaa.

Naalagaaffiup misissueqqissaartarfiisa pingasut coronavirusip sananeqaataanut paasissutissat paasereeraluaraat Kinap paasissutissat sapaatip-akunnerani uninngateqqaarpai.

Nutaarsiassaqartitsivik AP nunat tamalaat peqqissutsimut suleqatigiiffiannik uppernarsaatinik pissarsisimasoq taama nalunaaruteqarpoq.

Kinap paasissutissanik pisariaqartunik saqqummiinnginnera pissutigalugu tuniluuttoqangaatsiarnera pissutigalugu WHO-mi puullaaqingaatsiartoqarsimasoq uppernarsaatinit uppernarsarneqarpoq.

Tamatuma ilutigisaanik WHO-p Kina tamanut ammasumik nersualaarpaa. WHO-p oqarnera naapertorlugu Kina ”sukkasuumik” ”paasiuminartumik” ”tupinnaannartumillu” iliuuseqarpoq.

AAMMA ATUARUK Tamaat isigalugu: Coronavirus pillugu killiffik

Naalli WHO-p unnersiutiginnilluaraluartoq paasissutissanik sapaatip-akunnera ataaseq qaangiuttoq aatsaat siammarterisoqarpoq.

Kinamiut peqqinnissaqarfianni paasissutissanik nakkutiginninnerup sukannernera tamatumani pissutaavoq. Tamanna uppernarsaatit apersuinerillu takutikkaat AP allappoq.

WHO-mi Kinap nappaatip sananeqaataata qanoq issusaannut tuniluuffiusullu pillugit paasissutissanik saqqummiussinnginnera paatsuungassutigineqangaatsiarnera oqaatigineqarpoq.

- Paasissutissat Kinami naalagaaffiup pigisaani TV-qarfikkut CCTV-kkut saqqummernissaannut 15 minutsit sioqqullugit tunniunneqarput, WHO-p siulittaasua, Gauden Galea WHO-mi ataatsimiinnermi oqarpoq.

- Tunniutiinnajanngitsuusariaqarpugut. WHO-mit tikkuartuinerpassuaqalernissaa maanna aarlerinartumiippoq, WHO-p nappaatinut tuniluuttunut upalungaarsimasuani siulittaasoq, Michael Ryan januaarip qiteqqunnerani siulittuivoq.

Piffissami tassani millioninik inoqartumi, Wuhanimi kisimi tuniluuttoqarnissaa aarlerinarneruvoq.

/ritzau/

Isummersuutit