PITUFFIK Uppernarsaatinik piumasaqarneq politikkikkut kamassaarinertut nalilerneqartoq

Pituffimmi sullissinissamut isumaqatigiissut pillugu Venstremiit piumasaqarsimaneq, Martin Breumip taama nalilerpaa.

Isornartorsiuinermiit danskit naalakkersuesorisimasaannut politikkikkut kamassaarinerusimavoq,  Pituffimmi sullissinissamut isumaqatigiissut pillugu venstret uppernarsaatissanik piumasaqarnerat.

Issittoq pillugu ilisimasalik tusagassiortoq Martin Breum taama naliliivoq, nunanut allanut tunngasunut ministereqarfiup suliamut tunngasut saqqummiukkusukkunnaarmagit.

Aamma atuaruk Isornartorsiut: Pituffimmut tunngasut saqqumminneqarlik

Partiimut suliat ilaat pingaaruteqarluinnarsinnaasarput - aammali suliaqartarpoq akerlinut kamassaarutitalinnik.
Naalakkersuisut siuliisa Pituffik pillugu sulinerannut Venstret isornartorsiuinerat taama ittuusimasoq, tusagassiortoq Martin Breum isumaqarpoq.

- Naalakkersuisut sanngiinnerat takutinniarlugu Venstret tassani periarfissinneqarput. Venstret tassani periarfissaqarsimapput naalakkersuisut siulii kamassaarniarlugit.

Aamma atuaruk Lidegaard: Kristian Jensenip Pituffik pillugu uppernarsaatit saqqummiuttariaqarpai

Aamma atuaruk VIDEO Kristian Jensen: USA-mut suli kimigiisertariaqarpugut

Nunanut allanut ministerinngorlaap Venstremeersup Kristian Jensenip, nunanut allanut ministereqarfiup pituffimmut kiffartuussinissamut suliariumannittussarsiuussineq pillugu allagaatit saqqummersinneqarnissai itigartissutigereeraalu taamatut naliliineq pivoq.

- Qinersinissaq sioqqullugu saqqummiunneqarnissaanut kissaateqareerlutik maanna tunuartiternerat isumaqarpunga tupaallannartuunngitsoq. Illuatungiliuttutut sakkortuumik isummersortarneq immikkuullarissutut isiginngilara, naalakkersuisunngornermilu amerlasuutigut nutaanik ilisimasaqartoqalertarpoq. Ilimagaatalu uani taamatut pisoqartoq.

Aamma atuaruk Danskit nunanut allanut tunngasunut ministeriat siumut isigaluni suliniartoq

USA-p isumaqatigiissutigineqartoq unitsiinnarmagu Greenland Contractorsimullu isumaqatigiissut utaqqiisaarutaasumik ukiormik ataatsimik sivitsoqqimmassuk taamaattumik Venstremiit isumaqarput pappiaqqat saqqummersinneqartariaqanngitsut.

Tamannalu tunngavigalugu suliaq unitsikkallarneqarpoq, Martin Breum isumaqarpoq.

- Politikkikkut pingaaruteqassusaa annikilliartorpoq. Taamaattumik pituffik pillugu allagaatit nutaanngitsut siunissami pingaaruteqalernissaat ilimaginngilara.

Aamma atuaruk Aaja: Pituffik pillugu allagaatit saqqummiunneqartariaqarput



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl