Antennit, parabolet atortullu allat sermingaatsiarsimapput.Assi: AK Montage

Upernaviup nalaani silapilunnera Tele-Postimut ajornartorsiortitsisoq

Upernavimmi eqqaanilu sakkortusaavinnut akornusersuutaaqisumik silarloqattaarsimavoq. Antennit, parabolet atortullu allat sermingaatsiarsimapput.

Upernaviup eqqaani qaqqap qaavani sakkortusaavimmut sapaammi silarlussuaq kiisami inoriaqquumimmat teknikerit timmisartuaqqamik qaqqamut apuunneqarsinnaasimapput.

Upernaviup kujataani sakkortusaaveqarfiit marluk silapilunneranik suli attaveqanngillat, taamaattumillu teknikerit suleqatigiit aaqqissuiartortillugit aallartinneqarput, attortut attaveqaleqqinnissaannik isumannaarisussat. Assi: AK Montage

- Attaveqaatit attaveqaqqilersinniarlugit ilungersorsimavugut, sulisut immikkorluinnaq iliuuseqarnerisigut attaveqaqqilerneq iluatsippoq, sapinngisartimmi tamaat, sillimaniarnikkullu illersorneqarsinnaasumik atortuutivut sermiiarpaat,  TELE-POST-imi Teknikeqarnermut aamma IT-mut pisortaq, Jonas Hasselriis oqarpoq.

AAMMA ATUARUK Upernavimmiit avannamut attaveqaatit kipisaqattaarsinnaapput

Upernaviup kujataani sakkortusaaveqarfiit marluk silapilunneranik suli attaveqanngillat, taamaattumillu teknikerit suleqatigiit aaqqissuiartortillugit aallartinneqarput, attortut attaveqaleqqinnissaannik isumannaarisussat. Nunaqarfik Innaarsuit aamma attavilerneqaqqissaaq, timmisartuussisoqaqqissinnaalernissaali utaqqeqqaarneqassalluni.

Sullitatta tamarmik attaveqaqqilernissaat qulakkeerneqassaaq, piffissamili killilimmi silapilummik sakkortusaaviit atassutaarunneranni attaveqannginnermut taarsiiffigitittoqarsinnaassanngilaq, soorluli imaatigut kabelip aaqqissuunneqarnerata nalaani sullitavut taarsiiffigineqarsimasut. Tele-Post tusagassiutinut nalunaarummi taama oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat