Upernavimmiut Qaanaarmiunit puisinnerusimaqaat

Puisip amia tunineqarpat 100 koruuniinnarmik naleqalerpoq.

Ukioq mannalu Upernaviup kommuniani puisit amii tunineqartut Qaanaamut sanilliullugit amerlanerusimaqaat.

Puisit amiisa tunineqarnerini tapiissutit nungummata, puisip amiata tunineqarnera siornatigut 301 koruuneqarsimagaluartoq maanna 100 koruunit 125 koruunillu akornanni akeqartinneqalerpoq.

- Tassa massakkut puisit sammineqaleruttorput, ullut makkua taarnerpaarfissaanni puisit inuussutissarsiutitta pingaarnerpaartarivaat. Allanngortinneqarsinnaanngitsumik ileqqoralugulu nunatta tunniussinnaasaat najoqqutaralugit ullumikkorpiaq puisinniarneq ingerlanneqarpoq. Taamatut akeqalernera kinguariarujorujussuarnermik uagutsinnut kinguneqarpoq, akilersuisinnaanermut inuuniarsinnaanermut taakkua kisiisa isumalluutigigatsigit ulluni makkunarnerpiaq, Uusaqqak Qujaukitsoq taama oqarpoq.

Namminersornerullutik Oqartussat ukioq mannamut 2005-imut puisit amii 70.000-t tunaartaralugit 22, 5 millioninik tapiipput. Puisilli amerlavallaat pisarineqarsimammata, taakku tapiissutigineqarsimagaluit nungupput. Tapeeqqittoqartariaqalerporlu; tassalu tamatumuuna puisit amii 20.000-t tunaartaralugit 1,3 millioni koruunit tapiissutigineqaqqipput.

Puisittulli amerlasimaqimmata qaammatip ataatsip ingerlanerinnaani taakku aamma nungupput. Tassalu maanna puisip amia piniartup tunippagu taamaallaat 100 koruuniinnarmik piniartoq akissarsissaaq.

Soormitaavamiuna puisit taama amerlatigisut tunilertorneqarsimatigimmata tapiisoqarsinnaajunnaartoq?

Assersuutigeriartigu Qaanaap Upernaviullu eqqaani qanoq puisittoqarsimaginera.

Taakkunani marlunni katillugit puisit 35.000-t pisarineqarsinnaapput, ukioq mannalu Qaanaap kommuniani puisit 2.502-t kisimik pisarineqarsimapput, tassa; 35.000-ninngaanniit sinneri tamaasa Upernavimmi eqqaanilu pisarineqarsimapput tassaasut: 32.500-t. Taamaalilluni naatsorsorneqarsinnaalerpoq Upernaviup kommuniani pisarineqarsimasut Qaanaap kommunianiit amerlanerusimaqisut.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat