Assi: Hans Rosing/KNR

Upernavimmi taseq imermik pilersuisoq qerruteqqavoq

Upernavimmi imermik pilersuineq ullut 14-nngulersoq uninngavoq. Innuttaasut imermik maqitsivinnut arfineq marluusunut imertartariaqartarput.

Taseq illoqarfimmut imermik pilersuisoq qerrussimavoq tamannalu pissutigalugu  pumpit tatsip naqqanut pisimapput imermillu pilersuineq annikillisinneqangaatsiarluni, Nukissiorfiit Avannaani ingerlatsinermi pisortaq Niels Pedersen KNR-imut oqarpoq. 

Erngup aqqutaata qerinnaveequtai ledningit marluk qerrussimapput. 

Nukissiorfimmit nalunaarutigineqarpoq,  tarajuiaat, immamit imermik pilersuivik  aallartinneqarsimasoq taannalu maannakkut imermik illoqarfimmut pilersuivoq kisiannili pisariaqartinneqartup 85 procentianik taamaallaat pilersuilluni. 

Upernavimmi imermik pilersuinerup aallarteqqinneqarnissaannut Nukissiorfimmi sulisut ulapipput taakkua Ilulissani suleqatiminnik ikiorneqarlutik ajornartorsiut aaqqinniarpaat. 

Pumpit, taartissamaataasut Nukissiorfimmilu sulisut Upernavimmut aqagu tikissapput, Upernavimmilu imermik pilersuineq nalinginnaasumik sapaatip akunnerani uani aallarteqqinneqarnissaa Nukissiorfimmit naatsorsuutigineqarpoq. 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat