Upernavimmi saattuarniarneq unissasoq
Aqutsiveqarfimmi Upernavimmi sinerissap qanittuani saattuartassat tamakkerneqarput taamaattumillu saattuarniarneq sisamanngornermi aggustip 16-iani unitsinneqartussanngorpoq.
![](/sites/default/files/styles/image_934x467/public/article_images/krabber630_1.jpg?itok=JUOWJAnO)
Allattoq Simon Uldum
- Aqutsiveqarfimmi Upernavimmi sinerissap qanittuani saattuarniarneq sisamanngornermi aggustip 16-iani unitsinneqassaaq, sinerissap qanittuani saattuarniarnermi pisassiissutit 400 tonsit tamakkerneqarnerat naatsorsuutigineqarmat, Namminersorlutik Oqartussat tusagassiorfinnut nalunaarummi ilisimatitsipput.
Piniutit kingusinnerpaamik aggustip 16-iani nal. 23:59 qaqinneqassapput.
Ulloq tunitsivissaq kingulleq tassaavoq aggustip ulluisa 18-iat.