Upernavimmi qinersisartut qinigassaaleqissanngillat

Eqqaaviup ukiuni 20-ni Upernavimmiunik tipimiutitsisimasup qanoq iliuuseqarfigineqarnissaa, imigassap sukannernerusumik killilersorneqarnissaa, ilaatigut tamakkuupput Upernavimmi qinersisartut naammassiniarallaqqusaat.

Kommuneqarfik Upernavimmi qinersisartut 1.800-it missaanniittut kommunalbestyrelsemut ilaasortanngorniuttunik marlunngorpat apriilip tallimaani qinigassaaleqissanngillat, qinigassanngortittut katillugit 44-t ukununnga agguataarsimapput:

Partii maannamut borgmesteriutitaqartoq Atassut 19-inik qinigassanngortitsivoq, Siumut 13-inik, Inuit Ataqatigiit qulit, partiimik ataatsimik nutaaqarpoq, tassalu Demokraatit ataatsimik qinigassanngortitsimmata. Kiisalu kisimiilluni qinigassanngortittoq ataaseq.

Qinersisartut piumasaat naapertorlugit kommunalbestyrelsemi nutaat qulingiluaasussat sulissagunik suliassaaleqissanngillat.

Eqqaavik ukiuni 20-nik illoqarfimmut tipiliortitsisimasoq qinersisartunit qatsunneqarsimasoq malunnarpoq, qinersisartut ilaat oqarpallattoq suleqatitta Janus Maqep ima tusarsimavaa:

- Immaqa toquinnassuugut suli aaqqinneqanngitsoq.

Upernavimmiut ilinniareernermi kingorna illoqarfimminnut uteraangamik suliffissaqartannginneri pinngitsoorani qanoq iliuuseqarfigeqquneqarpoq.

Atuarfitsialammut atatillugu ilinniartitsisut ilinniarsimasut amigaatigineqartut aamma ilinniartitsisut inissaqartinniarneqarnerat anguniaqquneqartunut ilaavoq.

Kommuneqarfik Upernaviup nunaqarfiini imigassamik killilersuisoqareerpoq, illoqarfimmut piniaqqaarluni aatsaat pisisoqarsinnaasarmat. Taamaakkaluartoq meeqqat toqqissisimasumik inuuneqarnissaat siunertaralugu imigassap sakkortunerusumik killilersorneqarnissaa qinersisartut ilaannit kissaatigineqartoq malugineqarsinnaavoq.

Kommunerujussuaq Qaanaamit Kangaatsiameertoq naaggaarneqassappat aarlerigineqarsinnaannginnersoq qinersisartut ilaasa paaserusukkaat aamma malunnarpoq. Qinersinermi kingullermi qinersisinnaasut 62 %-ii qinersiartorsimapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat