Upernavimmi pisisartut pisiassaaleqikatapput

- Atuisut kissaataat sapinngisamik naammassiniartarpavut, kisianni Pilersuiosoq Pisiffillu assigiinngimmatasanileriisinneqarsinnaanngillat, Pilersuisumit erseqqissaatigienqarpoq.

Upernavimmi atuisut ilaat Jensigne Blytmann ima oqarpoq:

Jensigne Blytmann

Pilersuisoq A/S-ip Upenavimmi pisiniarfiani pisortap tullia, Hans Jørgen Mathæussen allappoq, illoqarfinni unammillerfiusuni, soorlu Nuuk-mi nioqqutissat pigineqartut ilaat allaasartut, aamma akimikkut.

- Eqqaamasariaqarpoq selskabit assigiingitsut marluk, Pisiffik Pilersuisorlu sanilliunniarneqarmata, taakkulu saniatigut namminersortut pisiniartarfii assigiinngissinnaammata.

Aamma atuisut kissaataat sapinngisamik naammassiniartarpavut, atuisulli ataasiakkaat kissaataat tamaasa naammassissallugit ajornakusoorsinnaasartoq, Hans Jørgen Mathæussen-ip erseqqissarpaa.

Taassuma oqaluttauraa, ukiumut peqqumaatissagut tamangajammik tikissimalertut.

Kalaalimernernik pisiffigisartagarput, Arctic Green Food, sooq pinerpoq piniarfiginiarnera aasaanerani ajornakusoorsimavoq. Kisianni maanna iluatsittumik ukiumut peqqumaasersimavugut.

- Nioqqutissat peqqinnartutut taaneqarsinnaasut sapingisamik maani aamma piginiarsarisarpavut, soorlu sukkoqanngitsut, naatitat, nillataartullu umiarsukkut aasaanerani tikisittarsimavagut, aamma ukiunerani timmisartukkut tikisinneqartarput, Hans Jørgen Mathæusen naggasiivoq.