Upernavimmi meeqqat inuusuttuaqqallu ornittagassaat ammarnersiorneqarpoq

Illu meeqqanit inuusuttuaqqanillu arfineq marlunnit 18-it tikillugit ukiulinnit susassaqartitsivittut atorneqartassaaq. Illup sanaartortinneqarneranut suliniaqatigiiffik Red Barnet suliniuteqartuuvoq.

Qaamaliami ningiumut tullersorti Bino Jørgensen meeqqat inuusuttuaqqallu ornittagasaani sammineqartartussat, ilaatigut tassaapput qarasaasiat, pinnguaatillu assigiinngitsut. Meeqqat inuusuttuaqqalu ajornartorsiutiminnik oqaloqateqartarsinnaasut Bino Jørgensenip oqaatigaa.

Meeqqat inuusuttuaqqalu ornittagassani Qaamaliami sisamanik sulisoqassaaq. Ukiut pingasut matuma siornatigut 2006-imi Upernavimmi inuusuttuaqqat akornanni imminut toquttut arlaqarput. Suliniaqatigiiffimmit Red Barnet-imit neriuutigineqarpoq, inuusuttuaqqat imminnut toquttartut pinaaveersaartinneqarnissaannut illu ornittagaqaq atorluarneqarumaartoq.

Suliniaqatigiiffik Red Barnet meeqqat inuusuttuaqqallu ornittagaannik Nuummi Qaanaamilu illuuteqarput.