Upernavimmi innuttat tusaaniaatigalugit ataatsimiititsisoqartoq
Upernaviup kommuniani inunnik isumaginninnermik sullissisut suligasuarnerisigut, meeqqat kinguaassiutitigut atornerlugaasimasut pitsaanerusumik sullinneqalerput.
Qaqugukkut inatsisit unioqqutinneqartarnersut innuttaasunut paasisitsiniaassutigineqarsimavoq. Upernaviup Kommuneani pinaveersaartitsinermik siunnersorti Ruth Larsen oqarpoq innuttaasut aamma tusarniarneqarsimasut:
- Ilissi nammineq qanoq isumaqarpisi, suna amigaataava? Taama oqariartuuteqarluta innuttat naapissimavagut, Upernaviup Kommuneani pinaveersaartitsinermik siunnersorti Ruth Larsen oqarpoq.
2003-mi Kalaallit Nunaanni meeqqat kinguaassiutitigut atornerlugaasimasut politiinullu nalunaarutigineqarsimasut 118-iusimapput. Danmarkimut naleqqiullugu 16-eriaammik annertunerulluni.