Upernavimmi imermik amigaateqarput
Tasermi imeq qaammatinut marluinnarnut naammattoq Upernavimmi pigineqarpoq, taamaattumik Upernavimmi innuttaasut imermik sipaarfiusinnaasuni sipaaqqullugit Nukissiorfimmit kaammattorneqarput.
Allattoq Louise M. Kleemann
Imeqarfimmi, illoqarfimmik imermik pilersuisumi, erngup annertussusia naliginnaasumit apparnerusimasoq, Nukissiorfimmit paasineqarpoq.
- Maanna atortorissaarummik killormut naqitsisumik ikkussuussinissamut periarfissat misissorpagut, ajornartoornerup nalaani pilersuinissamut immap imaanik tarajuiaalluni imermik imigassamik pilersuutissamut atugassamik, Nukissiorfiit ilisimatitsipput.