- Upernavimmi nunaqarfiinilu oqartussat aqutaannik angallanneq atuutilerneqarpoq, Naalakkersuisut tusagassiuutinut allapput.Assi: Eva Plevier / Ritzau Scanpix

Upernavimmi coronamut killilersuutit ilasut

Upernavimmi nunaqarfiinilu oqartussat aqutaannik taamaallaat angallattoqarsinnaalerpoq.

Piffissamik kingullermi coronavirus Upernavimmi nunaqarfiinilu annertuumik tuniluuppoq.

Upernavimmi pissutsit ilungersunartumik inissisimammata tamatuma kingunerisaanik Upernavimmi ullumi killilersuisoqalerpo.

- Sukkulluunniit katersuuttoqassappat, taakku amerlanerpaassagunik 20-iusassapput, aamma Upernavimmi nunaqarfiinilu oqartussat aqutaannik angallanneq atuutilerneqarpoq, Naalakkersuisut tusagassiuutinut allapput.

Napparsimmavimmut ikiuukkiartortoqartariaqartoq

Upernavimmi eqqaanilu coronavirusip tuniluunnera pakkersimaarniarlugu peqqinnissamut oqartussat assigiinngitsunik suliniuteqarniarput.

Nunatsinni napparsimmaveqarfinni sulisut ilaat Upernavimmut ikiuuttussatut suliartortinneqarput. Upernavimmi napparsimmavimmi uninngasunut nukiit atorniarlugit coronavirusimut misissuinerit akiuussusersuinerillu unitsinneqarput.

AAMMA ATUARUK Coronap allannguutaa Omikron Danmarkimi inunni marlunni nassaarineqarpoq

Sulisumillu ikiuukkiartortoqarneratigut misissortissinnaasut amerlanerulissapput.

Upernavimmi inuit katersuutinnginnissaat oqartussanit kaammattuutigineqarpoq, inuillu ersiuteqartut mattussimanissaannik kaammattorlugit.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl