Upernavimmi atornerluisimaneq misissorneqarpoq

Upernavimmi nunaqarfittaasalu ilaanni meeqqanik arlalinnik ukiut arlallit ingerlaneranni kinguaassiuutititigut atornerluisimanermik kannguttaatsuliorfiginnittarsimanernillu mississuineq annertooq maanna ingerlanneqalerpoq.

Upernaviup kommuneqarfiani meeqqanik arlalinnik kinguaassiuutitigut atornerluisoqartarsimaneranik misissuineq siornali aallartinneqarpoq, kinguaassiuutitigut atornerluisarneq pillugu politiit innuttaasunut paasititsiniaasoqareersullu meeqqat inuusuttuaqqallu arlallit atornerlugaasarsimanerminnik saqqummiussaqarmata.

Meeqqat ilaallu massakkut inuusuttuaranngortut inuusuttunngortullu kinguaassiuutimikkut ukiut arlallit ingerlaneranni atornerlugaasimasut pillugit misissuineq suli ingerlanneqarmat, qassiunerat maannakkut saqqummiunneqarsinnaanngikkallartoq, misissuinermi suleqataasoq politiassistenti Sara Johansen ilisimatitsivoq.

Atornerlugaasarsimasunik videoliuut atorlugu apersuinissamut atortussat Upernavimmut maanna tikissimalerput, atornerlunnegaasimasunillu apersuineq inunnik isumaginnittunik suleqateqarluni aallartinneqareersoq, sulilu ingerlaqarallassasoq Sara Johansen oqarpoq.

Upernavimmi nunaqarfittaasalu ilaanni meeqqat inuusuttuaqqat inuusuttullu maannakkut oqaloqatigineqartut, ukiut arlallit ingerlaneranni kinguaassiuutitigut atornerlugaasarsimapput, ilaallu maannakkut inersimasunngulersut meeraanerminniilli atornerlugaasarsimapput.

Oqaloqatiginninnermi suliassat naammassippata, politimestereqarfimmut ingerlateqqinneqassapput, tassani qanoq pisoqassanersoq aalajangiiffigineqassalluni, misissuinermi suleqataasoq politiassistenti Sara Johansen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat