Upernavik nutaamik borgmesterertaarpoq

Upernavik nutaamik borgmesterertaarpoq. Taamaalilluni piffissap sivikitsup ingerlanerani pingajussaa innuttaasut kommunalbestyrelsimik nutaamik paasitinneqarlutik.

Upernavimmi qinersisoqarnerata kingorna Siumut sisamanik isertitaqarpoq, Atassut pingasunik Inuit Ataqatigiillu marlunnik isertitaqarlutik.

Atassummeersoq Jens Emmanuelsen qinigaaffimmi kingullermi borgmesteriuvoq.

Qinersisoqareersorlu ullut marluk qaangiummata Siumukkut Inuit Ataqatigiillu isumaqatigiillutik atsioqatigiinnerata kingorna tusagassiutinut nalunaarutigineqarpoq Inuit Ataqatigiineersoq Vilhelm Kristiansen borgmesterinngortinneqartoq.

Atsioqatigiinnerli atorunnaarsinneqarpoq borgmesterinngortinneqarporlu Siumumeersoq Ole Thorleifsen, Siumukkut Atassutikkullu nutaamik isumaqatigeereernerata kingorna.

Ullumikkulli nalunaarutigineqarpoq Inuit Ataqatigiit Siumukkullu isumaqatigiinnerigaluat kipitinneqartoq, massakkullu Atassutikkut Inuit Ataqatigiillu nutaamik atsioqatigiinnerata kingorna Jens Emmanuelsen Atassummeersoq borgmesterinngortinneqaqqilluni.

Atassutikkunnit oqaatigineqarpoq kommunalbestyrelsinngoraluartut tunuliaquttatik peqataatinnagit atsioqatigiittoqarsimasoq, taamaammallu tatigisinnaanagit.

Borgmesterinngoraluartup Ole Thorleifsen-ip pisumut oqarpoq, qinigaagamik siumut sinnerlugu isumaqatiginninniarsinnaanerit ingerlassinnaallugit pisinnaatitaaffigalugu. Pakatsissutigaalu parteertik Siumut taamatut iliorfigineqarmat, isumaqatiginninniarnerillu unneqqarillutik isumaqatigiissut upperalugu pisimagamik, utaqqiinnarsimallugulu kommunalbestyrelsinngortut nutaat ivertinneqarnissaat.

Ole Thorleifsen-ip ilanngullugu oqaatigaa, tupigissanngikkini Upernavimmi sisamassaanik borgmesterinngortitsisoqassagaluarpat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat