Upernavik nunaqarfiilu tassaarsuarmik eqqugaaqqinnissamut aarlerinarunnaartut
Nutartigaq: Upernavimmi Upernaviullu nunaqarfiini tassaarsuaqaqqinnissaa aarlerinarunnaartoq politiit ilisimatitsipput. Uummannamili Uummannallu nunaqarfiinut aarlerisaarut suli atuuppoq. Piffinni taakkunaniittut qatsissumiinnissaat suli piumasarineqarpoq.
Allattoq Mikkel Bjarnø Lund, Nûno Isbosethsen
juunip 18-at 2017 01:44
Malissuaq Upernaviup Upernaviullu nunaqarfiinut aamma ingerlaartoq paasineqarpoq, inuit qatsissukarnissaat politiinit piumasarineqarpoq.
Aammattaaq malissuaq Uummannap tungaanut ingerlaartoq Politiit qulimiguulik atorlugu misissuinermini paasivaat. Uummannap Upernaviullu eqqaaniittut inuit qatsissumukakaanissaat piumasarineqarpoq.
Sumiiffinni taakkunani, qulimiguulinnik arlalinnik sillimaniarnermik suliaqartunik aallartitsisoqartoq, taamatullu illersornissaqarfimmit qulimiguulinnik angallatinillu aallartitsisoqarsimasoq politiiniit aamma oqaatigineqarpoq.
