Assi: Esther Zeeb

Upernavik nunaqarfiilu tassaarsuarmik eqqugaaqqinnissamut aarlerinarunnaartut

Upernavimmi Upernaviullu nunaqarfiini tassaarsuaqaqqinnissaa aarlerinarunnaartoq politiit ilisimatitsipput. Uummannamili Uummannallu nunaqarfiinut aarlerisaarut suli atuuppoq. Piffinni taakkunaniittut qatsissumiinnissaat suli piumasarineqarpoq.

Tassaarsuup nunaqarfik Nuugaatsiaq eqqungaatsiarsimavaa. Upalungaarsimasussaatitaasut nunaqarfimmi tassani najugaqartunik qimagussortitsileruttorput, nunaqarfimmiut Uummannamut qimagussortitsiviusumut apuunneqarsimaleruttortut politiit ilisimatitsipput.

Tusarfiit tutsuiginartut naapertorlugit ajunaartoqarlunilu ajoqusertoqarsimavoq, tamannali politiinit uppernarsarneqanngilaq.

Nittartakkatigut attaveqatigiittarfiit tassaarsuarmik eqqorneqarsimasunit assilisanik takussaasoqarpoq.

Uummannami nunaqarfinni kiisalu Upernavimmi nunaqarfiinilu oqarasuaatit angallattakkat atorneqarpallaannginnissaat politiit inassutigaat, tassa peqqinnissaqarfiit attaviginiarneqarnerat attaveqaatit atorneqarpallaarneratigut unammillissuteqarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat