Upernavik Kujalleq nalliuttorsiulerpoq
Upernavik Kujalleq tunngavilerneqarnerminiit ukiunik 150-sinngortorsiortillugu julip ulluisa 22-anniit 24-at ilanngullugu nalliussineqartussanngorpoq.
Nalliussinissamut atatillugu komite-liornermi piler-saarusiarineqartut meeqqaniit utoqqarnut tunngasuup-put. Nalliussinerit aallartillugit aqaguagu tallimanngorpat, julip ulluisa 22-anni, ”Meeqqat Ulluat”tut taallugu ingerlatsisoqartussaavoq, ilaatigut timersornermik pisoqarfiusumik.
Naalakkersuisut siulittaasuat Hans Enoksen nulialu qaaqqusatut najuunniartunut ilaapput.
Upernavik Kujalleq inuutissarsiornikkut ukiut kingulliit qulit 15-it kinguariarsimavoq, ullumikkullu makeqqikkiartulersoq takutissallugu nuannerpoq, nalliuttorsiornissami aaqqissuisuni siulittaasoq Roberth Josvassen Radioaviisimut oqarpoq.
Ulloq julip 23-at pisortatigoortumik ullorsiorfissatut aalajangiunneqarpoq, tassaalluni eeqqaassutissamik uleersiffiusussaq. Eqqaassutissaq nunaqarfiup qanga tunngavilerneqarneranik takkuiusinnaasuussaaq, tassa 1855-mi, Roberth Josvassen-illi ulloq sunarpiaanersoq oqaatigisinnaannginnerarpaa.
Inuusunnerusunut tunngatillugu nipilersoqattaarnerit arsaattarfimmilu timersornerit ingerlanneqartussaapput.
Upernavik Kujalleq ullumikkut 198-it missaannik inoqarpoq.