Upernakkut ataatsimiinnissamut piareerput

Inatsisartut upernaakkut ataatsimiinnertik apriilimi aallartikkunikku pisarnertut oqaluuserisassaqangaatsiassapput, oqaluserisassammi immikkoortut 124-t tunniunneqarsimapput.

Inatsisartut apriilip 15-anni ataatsimiilerunik oqaluuserisassani apeqquteqaatit aallaavigalugit oqallinnerit ilaasortanit saqqummiunneqartut amerlanersaapput.

Oqaluuserisassat ilai inuunnut attuissapput, soorlu pisiniarfiit ammasarfiisa naalakkersuisunit malittarisassiuunneqarnissaat siunnersuutigineqarpoq.

Mamartut imaluunniit nioqqutissat sukkullit akitsuutaasa qaffanneqarnissaat Enos Lyberthimit (S) siunnersuutigineqarpoq.

sukkulinnik nerisaqarnerujussuup kingunerisaanik puallartartut, nappaateqalersartullu amerliartornerinik peqqinnissaqarfimmit amerliartuinnartutut nalunaarniarneqartalermata nioqqutissat sukkunik akullit akisunerulernissaat Enos Lyberthip siunnersuutigaa.

Isak Davidsenip (S) siunnersuutigaa meeqqat inuusuttuaqqallu sumiginnakkat

amerliartuinarmata bingongornermi eqqukkat akitsuutaata qaffanneqarnissaa siunnersuutigaa.

Ilaasortat oqaluuserisassanngortitaasa ilaat aningaasanut tunngassutillit, ukiamut pingajussaaneertussanngortinneqarput.

Apeqquteqaatit aallaavigalugit oqaluuserisassat siunnersuutillu saniatigut aamma oqaluuserineqassapput naalakkersuisut nassuiaataat, soorlu nunanut allanut kiisalu 2005-mimi aningaasaqarnikkut ingerlatsineq pillugu nassuiaatit.

Inatsisartut maajip 10-ata tunngaanut ataatsimiinnissaat pilersaatutaavoq.