Upernaap ilisarnaatai takkupput
Upernaap ilisarnaatai takkussuutilersimapput. Aput maani annikitsuaraananngorpoq, kujataani aputaarulluni apeqqissanngikkuni. Nuummilu kalaaliaqqami upernaap ilisarnaatigisai nipisat angusalluit arnarluillu nioqqutigineqarlualerput.
Meeqqat nipisannik tupigusulluinnarput, pisiniartullu imaaginnavipput.
Pisiniat ilaat Inger Aronsen suleqatitsinnit aperineqarpoq nipisaat takkunnerat qanoq sunniuteqarnersoq.
-Tassa ima paasisariaqarpoq aasaq takkutilersoq takkummata nipisaat. Meeraagallaramali utoqqartagut oqartarput, nipisaanngooq takkukkaangata aasalernera malunnarsisartoq, Inger Aronsen oqarpoq.
Nipisanullu akit qimerluuataasavagut. Nuummi kalaaliaqqami angusalluit akii 10 kr-imiit aallartipput angissusaat apeqqutaatillugit anginerpaat 30.kruuneqarlutik. Arnarluk sualik pisiarissagaani 50 kruuneertariaqassalluni.
Nunatsinni kisimi uumasut aalisakkallu upernaap ilisarnaatai takkussimanngillat. Danmarkimi Jylland-ip kujasissuani ungasorsuit siulliit takkussimasut Danmarkimi aviisit ilaannit aamma ullumi allaaserineqarpoq.
