Inatsisartut upernaakkut ataatsimiinnerat apriilip 21-anni ammarneqassaaq. Ataatsimiinnissami oqaluuserisassatut siunnersuuteqarnissaq ullumi ulloqeqqanut killeqarpoq.
Inatsisartuni ilaasortat Naalakkersuisullu oqaluuserisassatut siunnersuutiminnik tunniussereerput, Inatsisartullu allattoqarfianit ilisimatitsissutigineqarpoq upernaakkut ataatsimiinnissami oqaluuserisassatut siunnersuutigineqarsimasut katillutik 83-iusut.
Inatsisartuni ilaasortat katillugit 60-inik oqaluuserisassanut siunnersuuteqarsimapput, Naalakkersuisuni ilaasortat katillugit 23-inik oqaluuserisassanut siunnersuuteqartut.
Partiit Inatsisartuniisitaqartut siunnersuuteqarput,
Siumut aqqaneq marlunnik, Inuit Ataqatigiit 13-inik, Atassut arfinilinnik, Kattusseqatigiit Partiiat qulingiluanik, siunnersuuteqarnerpaappullu Demokraatit 20-nik siunnersuuteqarsimasut.
38-nik Inatsisartut aalajangiiffigisassaattut siunnersuuteqartoqarpoq. Oqillisigisassatut apeqquteqaatit katillutik aqqaniliupput Naalakkersuisullu katillugit 16-inik apeqquteqaateqarfigineqassapput.
Katillugit aqqanilinnik Inatsisissatut siunnersuuteqartoqarsimavoq. Naalakkersuisut nassuiaatissaat nalunaarutaallu katillugit arfineq-marluk saqqummiunneqassapput.