Assi: Udenrigsministeriet

Upalungaarsimasussat Qalasersuup piumasaqaatigineqarnerani iluaqutiginiaraat

Upalungaarsimasussat nutaat Naalagaaffiit Peqatigiit Qalasersuarmik piginnittussaaneq pillugu aalajangiinissaata tungaanut kunngeqarfiup allamiullu Issittumi ilisimatusarnerisa ineriartorfiunerinik nakkutilliinermut peqataatinneqassapput.

Upalungaarsimasussat Danmarkimi Kalaallit Nunaannilu ujarassiuutut misissuisoqarfiup, GEUS-ip, ataaniitinneqassaaq Kunngeqarfiullu nunaviup toqqaviata ataneranik Naalagaaffiit Peqatigiinnut piumasaqaateqarneranut ilaatinneqassallutik.

Nunatta, Savalimmiut Danmarkillu peqatigiillutik Nunatta Savalimmiullu eqqaanni sumiiffiit tallimat piumasaqaatigisimavaat, sumiiffiillu pineqartut ilisimatuunit ujarassiuutut misissuinerit naapertorlugit Kunngeqarfimmit Danmarkimit pigineqartussatut naliliiffigineqarsimapput.

GEUS-imi pisortap tullia, Flemming Getreuer Christiansen, taama oqaluttuarpoq.

- Sulineq nutaaq aallartinneqarpoq, paasissutissallu pissarsiarineqartut isumannaarniarneqassapput. Paasissutissat nutaat suliamut ilanngunneqarnissaat qulaakkeerniarneqassaaq nunanilu allani qanoq pisoqarnera aamma malittarineqassalluni.

Paasissutissat pissarsiariuminarnerulersinneqassasut

Piumasaqaatillu Naalagaaffiit Peqatigiinnut tunniunneqareeraluartut, paasissutissat piumasaqaateqarnermi tunngavigineqartut ingerlaavartumik nutarteriffigineqarnissaat pisariaqarpoq.

Ujarassiuut ilisimatuullu Issittoq pillugu pullaviat allanngorartuarpoq, taamaammat angusat sukumiinerusut amerlanerusullu pissarsiarineqarsinnaassapput.

Kunngeqarfiullu Danmarkip piumasaqaatai Naalagaaffiit Peqatigiinnit nalilersuiffigineqalerpata taakku tunngavilersuutigineqassapput.

- Upalungaarsimasussat aqqutigalugit Nunaviup toqqaviata atanera pillugu ataatsimiititaliarsuarmik oqaloqateqarnermi isumaqatigiinniarnermilunniit paasissutissat ullumikkumit pitsaanerusut pigineqarsinnaassapput. Piumasaqaatigineqartut tunngavilersuutigineqartullu pitsaanerussapput, Flemming Getreuer Christiansen taama oqarpoq.

Upalungaarsimasussat ukiuni 10-15-ini atuunnissaat, tassalu Kunngeqarfiup Naalagaaffiit Peqatigiinnut isumaqatigiinniarnerata naammassinissaata tungaanut atuunnissaat, Flemming Getreuer Christiansenip naatsorsuutigaa.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat