Assi: KNR

Upalungaarsimaniarneq Nuummi unitsinneqarpoq - kukkusoqarsimagunarpoq

Timmisartoq Nuummiit Kangerlussualiartoq motorerliorluni uterpoq. Mereerpoq ajoqusertoqanngilaq.

Upalungaarsimanermi siggartaat ullaaq maanna Nuummi aallartinneqarpoq. 

Aatsaannguaq upalungaarsimaneq unitsinneqarpoq, Gedion Quist politiini pigaartut ittuat naapertorlugu tekikkikkut kukkusoqarsimavoq. 

- Aatsaannguaq unitsipparput. Timmisartoq Nuummiit Kangerlussuarmut ingerlaartoq motorerliulersimavoq ataasiinnarmillu motoreqaruni Nuummut utertariaqarluni. Ungasinngitsukkut ajornaquteqanngitsumik mippoq, ajoqusertoqanngilarlu, taanna KNR-imut oqarpoq. 

Upalungaarsimanermullu siggartaatip sooq aallartinneqarsimanera iluamik suli paasisaqarfiunngilaq. Sooq aallartinnersoq politiit aamma naluaat pigaartut pisortaat oqarpoq. 

Kukkusoqarami?

- Kukkusoqarsimanera ilimagaaara, naluara kia siggartaat aallartissimaneraa, tamaanna maanna misissorparput, Gideon Quist oqarpoq. 

Ullaaq manna pisoq Nuummi aalassatitsivoq. 

Kukkulluni upalungaarsimanermik siggartaatip aallartinneqarsimasinnaaneranik paasissutissat sukumiinerusut politiit pissarsiarigunikkit saqqummiunniarpaat. 



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl